ABB-nin səhmlərinə abunə yazılışının başlanmasının elan edildiyi tarixdən – 11 iyun 2024-cü ildən indiyə qədər artıq 6000-dən çox investor Bankın yeni səhmlərinə abunə yazılıb.
Bunu ABB-nin İdarə Heyətinin sədri Abbas İbrahimov bu gün mediada yayılan müsahibəsində bildirib. Onun sözlərinə görə hazırda ABB-nin 1800-ə yaxın özəl səhmdarı var. “Təsəvvür edin ki, qısa müddət ərzində artıq üç dəfə bundan artıq sayda, 6000-dən çox yeni investor öz sifarişlərini yerləşdirib. Bu, Bankımızın səhmlərinə olan böyük marağı göstərir”.
Abbas İbrahimov onu da vurğulayıb ki, hədəf Banka on minlərlə yeni investor cəlb etməkdir.
