2017-ci il üzrə Nobel mükafatının həcmi 9 milyon isveç kronuna (1,12 milyon dollar) qədər artırıldı.
Banker.az xəbər verir ki, bu qərarı Nobel Fondunun direktorlar şurası verib.
Təşkilatın saytında yer alan məlumatlarda qeyd edilir ki, ödənişlər 1 milyon kron (124,8 min dollar) artacaq. 2011-ci ildə mükafatın həcmi 10 milyon krondan 8 milyona (1,25 milyondan 998 min dollara) endirilmişdi. Bu addım fondun maliyyə dayanıqlığının möhkəmləndirilməsi proqramı çərçivəsində atılmışdı.
2017-ci il üzrə laureatların elan edilməsinə 2 oktyabr tarixindən başlanılacaq. Nobel mükafatı fizika, kimya, tibb, ədəbiyyat və iqtisadiyyatda nailiyyətlərə görə təqdim edilir. Həmçinin sülh mükafatı da mövcuddur.
Qeyd edək ki, 2016-cı ildə iqtisadiyyat üzrə Nobel mükafatını Harvard universitetinin iqtisadiyyat professoru Oliver Hart və Massaçusets Texnoloji institutunun iqtisadiyyat professoru Benqt Holmstrem əldə etdi.
