24 yanvar 2018-ci il tarixində Bakı Fond Birjasında Azərbaycan Respublikasının Mərkəzi Bankının (AMB) 50100467S dövlət qeydiyyat nömrəli, 250 mln manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.
Hərrac zamanı 14 investor tərəfindən qiymət intervalı 98.8620 AZN (14.80%) və 98.9998 AZN (12.99%) olan 18 sifariş təqdim edilmişdir. Sifarişlərin nominal qiymətlə ümumi məbləği 381 621 400,00 AZN olmuşdur. Bu da hırracda planlaşdırılan mıbləğdən tələbin 52,8% çox olması deməkdir.
Qeyd edək ki, AMB-nin qərarına əsasən istiqrazların kəsmə qiyməti 98.9093 AZN (14.18%), orta ölçülmüş qiyməti 98.9219 AZN (14.01%) müəyyən edilmişdir. Hərrac nəticəsində istiqrazların yerləşdirilmiş həcmi 250 000000 AZN təşkil edib. Notların ödəmə tarixi isə 21.02.2018-ci ildir.
