Debet kartlar – istisnasız olaraq ölkədəki bütün Banklar tərəfindən təklif edilən Bank məhsullarındandır. Nağdsız ödəniş dövriyyələrinə nəzər yetirsək əməliyyatların böyük bir qisminin Bank kartları, xüsusilə debet kartlar tərəfindən aparıldığını müşahidə edə bilərik. Son dövrlərdə Banklar müvafiq kartların satışında və dövriyyəsinin artırılmasında maraqlı görünürlər.

Təsadüfi deyil ki, Bəzi banklar öz debet kartlarına hətta brend halına gətiriblər. Bütün Banklar tərəfindən təklif edilən bu kartlardan bəziləri öz əlavə funksiyaları, üstünlükləri, dizaynı və s.ilə digərlərindən fərqlənir. Bəs bu üstünlük və fərqliliklər nədən ibarətdir? – Banker.az olaraq ən qeyri-adi və kreativ özəllikləri ilə diqqət çəkən debet kartlar haqqında monitorinq apardıq. Məlumuz oldu ki, müştərilərin xüsusi marağına səbəb olan və onların bank seçiminə təsir edən əsas üstünlüklər aşağıdakılardır:

• Kartın qiymətinin münasib olması;
• ATM-lərdə nağdlaşdırma komissiyasının olmaması;
• Kartdan istifadə edilən məbləğə görə əlavə “cash-back” və ya “bonus” hesablanması;
• Kartdakı qalıq vəsaitə əlavə gəlir qazanma imkanı;

Oxucuların marağını düşünərək , onların tələblərinə cavab verən Debet kartlar haqqında araşdırma apardıq. Aşağıdakı cədvəldə müvafiq üstünlükləri özündə cəmləşdirən kartların şərtləri müqayisəli şəkildə qeyd edilmişdir. Bizim öhdəmizə düşən, Sizlər üçün ən faydalı təklifləri araşdırın təqdim etməkdir.  Seçim etmək isə Sizlikdir☺.

Həmçinin onu də bildirmək istərdik ki, ölkədəki Bankların təklif etdiyi bütün debet kartlar (170 sayda) haqqında geniş məlumat Banker.az-ın yeni layihəsi olan “Məhsul kataloqu”nda da qeyd edilmişdir. Bu linkdək https://banker.az/result/?ctype=debit_card istifadə edərək, digər debet kartların şərtləri ilə də tanış ola bilərsiniz.