Dünya birjalarında neftin dəyəri ucuzlaşmaqla ötən ilin sonuncu ayındakı səviyyəyə gəlib.
Banker.az Bloomberg-ə istinadən xəbər verir ki, Bakı vaxtı ilə saat 09:45 radələrində, ICE London qitələrarası birjasında Brent markalı neftin 1 barelinin dəyəri 2 dollar, yəni, 3% ucuzlaşaraq 65.38$-a təklif olunub. Sonuncu dəfə 21 dekabrda təqribən bu həddə idi.
Nyu-Yorkun NYMEX əmtəə birjasında keçirilən elektron ticarət əməliyyatlarında WTI (West Texas Intermediate) neftinin qiyməti 20 sent, yəni, 0,32% azalaraq 61,59$-da qərarlaşıb.
