Azərbaycan Mərkəzi Bankının (AMB) cəmi aktivləri bu il yanvarın 1-nə 22 635,554 mln. manat təşkil edib.
Qurumun maliyyə hesabatına istinadən, bu, ötən il yanvarın 1-i ilə müqayisədə 11,5% azdır.
2017-ci ildə AMB-nin cəmi öhdəlikləri 8% azalaraq 18 122,382 mln. manata, cəmi kapitalı isə 23,15% azalaraq 4 513,172 mln. manata düşüb.
Qurum 2017-ci ili 3 513,453 mln. manat xalis mənfəətlə başa vurub. Bu, 2016-cı illə müqayisədə 8,75 dəfə çoxdur.
Əvvəlki ildən fərqli olaraq ötən il AMB-nin gəlirlərinin formalaşmasında Azərbaycan Dövlət Neft Fondundan transfertlər rol oynayıb. Başqa sözlə, qurum mənfəətini Fondun hesabına kəskin artıra bilib.
