“İcraçı Kredit Agentliyi” MMC bank olmayan kredit təşkilatının (BOKT) səhmdarlarının pay bölgüsü dəyişib.
“Report” xəbər verir ki, bu, BOKT-un nizamnamə kapitalının 2,11 dəfə artırılaraq 105 933 manatdan 223 450 manata çatdırılması nəticəsində baş verib.
Belə ki, “İcraçı Kredit Agentliyi”nin 12 əməkdaşının (fiziki şəxslər) BOKT-dakı payı 58,85%-dən 67,27%-ə çatıb. Əvəzində kredit ittifaqlarının (hüquqi şəxslər) payı 40,96%-dən 32,54%-ə düşüb. Yeri gəlmişən, əgər 2016-cı ilin yekununda səhmdar kimi onların sayı 10 olubsa, 2017-ci ilin yekununda bu rəqəm 9 olub. Yəni, ittifaqlardan biri payından imtina edib. Azərbaycan Kredit İttifaqları Assosiasiyasının kredit təşkilatındakı payı isə dəyişməyərək 0,19% qalıb.
