Azərbaycanda manatla ayrılan banklararası kreditlər üzrə orta faiz dərəcəsi may ayında daha 0,06 faiz bəndi artaraq iyunun 1-nə illik 11,64% təşkil edib.
“Report” bu barədə Azərbaycan Mərkəzi Bankının (AMB) aylıq hesabatına istinadən xəbər verir.
Hesabata əsasən, hesabat ayında xarici valyutada kreditlərdə isə orta faiz dərəcəsi 5,18%-dən 5,74%-ə yüksəlib.
Qeyd edək ki, ilin əvvəlində manatda banklararası kreditlər üzrə orta faiz 11,80%, xarici valyutada isə 4,93% təşkil edib.
