Cənubi Koreya nəhəngi olan “Samsung” mobil şirkətinin rəhbəri yeni “Samsung Galaxy S10” smartfonunun bəzi sirlərini açıb.
Bununla bağlı “AKKet” nəşri yazıb.
Donq Cin Ko bildirib ki, “Galaxy S10”-un dizaynında çox əhəmiyyətli dəyişikliklər olacaq və nəticədə o, digər smartfonlardan fərqlənəcək.
Məlumatlara görə, yeni model “barmaq izi” funksiyası və üç kamera ilə təchiz olunacaq. “Galaxy S10”-un qiyməti də digərlərindən yüksək olacaq.
“Samsung Galaxy S10”-un təqdimat mərasimi fevralın sonunda Barselonada keçiriləcək.
Oxu.az
