ABŞ-ın “Tesla” şirkəti bahalı elektrik avtomobil modelləri olan “Model S” və “Model X”in buraxılışına ayrılan vaxtı azaldır.
Banker.az finans.az-a istinadla məlumat verir ki, bununla istehsalçı daha əlçatan model olan “Model 3” avtomobillərinin buraxılışını artırmaqa çalışır.
Bu xəbər şirkətin bir neçə gün bundan əvvəl 7% daimi iş yerini ixtisara salmaq niyyətini bəyan etməsinin ardından gəldi.
Qeyd edək ki, bu ay ABŞ-da elektrik avtomobillərə tətbiq olunan güzəştlər tədricən azalmağa başladı. Nəticədə hər maşının qiymətinə 3 750 ABŞ dolları əlavə olunub. İyulda isə bu qiymətə daha 1 875 dollar əlavə olunacaq. Nəhayət ilin sonunda bu güzəştlər tamamilə aradan gütürüləcək.
Beləliklə istehsalçı ya alıcıları itirmək riskini gözə alaraq qiymətləri artırmalı, ya da xərclərini azaldmalıdır.
