Ötən il hər bir ölkə sakini orta hesabla 1000 manata yaxın ödənişli xidmətlərdən istifadə etmişdir
2018-ci ildə əhaliyə göstərilən ödənişli xidmətlərin dəyəri 2017-ci illə müqayisədə real ifadədə 3,0 % artaraq 9131,7 milyon manat olmuşdur.
Banker.az Dövlət Statistika Komitəsinə istinadən məlumat verir ki, Hüquqi şəxslər tərəfindən əhaliyə 6615,3 milyon manatlıq xidmət göstərilmişdir ki, bu da xidmətlərin ümumi dəyərinin 72,4 %–ini təşkil etmişdir.
2018-ci il ərzində hər bir ölkə sakini orta hesabla 929,9 manatlıq və ya əvvəlki illə müqayisədə nominal ifadədə 42,7 manat çox müxtəlif ödənişli xidmətlərdən istifadə etmişdir.
