Yeqor Şerbakovun qətlindən sonra bağlanan Pokrov bazarı Moskva vilayətinin Odintsovo rayonuna köçürülür.
Bazar rayonun Skolkovo qəsəbəsi yaxınlığında salınır.
Artıq bazarın yerləşəcəyi 340 hektar ərazi də müəyyənləşib. Ərazidə bazarın fəaliyyətinə mane olan bir sıra obyektlər isə söküləcək. Maraqlıdır ki, bu obyektlər arasında azərbaycanlı oliqarx Telman İsmayılovun Moskvadakı çoxsaylı villalarından biri də yerləşir.
Fotodan da göründüyü kimi, villa plana düşüb. T.İsmayılova kompensasiya verilib-verilməyəcəyi isə bilinmir. Məlumata görə, adıgedən villada illərdir heç kim yaşamır. Amma dövlət reyestrində onun Telman Mardanoviç İsmayılova aid olduğu qeyd edilib.
Milli.az
