Avstraliyalı bloqçu öz YouTube kanalında 1993-cü ilin “Apple” telefonunun videosunu qoyub.
“Apple” şirkəti Wizzy Active Lifestyle Telephone (WALT) cihazını 1993-cü ildə Macworld Boston konfransında nümayiş etdirib. Bu, şirkətin “BellSouth” ilə əməkdaşlığı nəticəsində yaradılmış ilk stolüstü telefon olmuşdur.
Ölçülərinə görə Wizzy Active Lifestyle Telephone cihazı planşetə bənzəyir. WALT telefonu Mac System 6 əməliyyat sistemi əsasında işləyir. O, sensorlu ekrana, faks funksiyasına, ünvan kitabçasına, zəng musiqilərinə və onlayn bank çıxışına malikdir. Bu aparatlardan biri 2012-ci ildə 8 min dollara satılmışdı.
