ABŞ prezidenti Donald Tramp, Çin mallarının üzərinə qoyulan yeni vergilərin amerikan şirkətlərinin ÇXR-dən ayrılmasına gətirib çıxardığını söyləyib.
Banker.az xəbər verir ki, “Fox News” şirkətinə verdiyi müsahibədə, Tramp, Çindən gələn mallara idxal ödəmələrinin əhəmiyyətli dərəcədə artması, bir çox şirkətləri istehsalı Çindən Vyetnam və digər Asiya ölkələrinə köçürməyə sövq edir. Onun sözlərinə görə, bunun günahı çinlilərdədir.
Tramp vurğulayıb ki, ABŞ və Çinin ticarət razılaşmasının çox yaxşı bir versiyası var idi, lakin onlar Pekində hər şeyi dəyişdirməyə qərar verdilər. “Mən dedim: OK, onda biz vergiləri qaldıracağıq”, – deyə Amerika prezidenti qeyd edir.
Tramp həmçinin keçmiş vitse-prezident Co Baydenin Çinlə bağlı mövqeyini tənqid edib. “O, bildirib ki, Çin bizim üçün rəqib deyil. Əlində isə Çin çox güclü rəqibdir. Onlar bütün dünyaya sahib olmaq istəyirlər “, – deyə Tramp əlavə edib.
Xatırladaq ki, Vaşinqton may ayının 10-da ölkəyə gətirilən Çin mallarının üzərinə rüsumların miqdarını 10-%-dan 25%-ə qədər artırıb. Tramp bunun aparılan ticarət danışıqlarının Pekin tərəfindən pozulması ilə əlaqəli olduğunu qeyd edir. ÇXR hökuməti, ABŞ -ın bu addımlarına “təəssüflə” cavab vermək niyyətində olduğunu bildirib. Bu, may ayının 13-də baş tutub. Dövlət Gömrük Komitəsi komissiyasının 1 iyun 2019-cu il tarixli qərarına əsasən ABŞ-dan idxal olunan 60 milyard dollar məbləğində olan bir sıra mallar üzrə vergi dərəcələri artırılacaq və nəticədə 10-25% təşkil edəcək.
