Hesablama Palatası vahid xəzinə hesabında olan qalıq vəsaiti dövlət borcunun ödənilməsinə yönəltməyi təklif edir.
“2018-ci ilin yekunları üzrə Azərbaycanın dövlət büdcəsinin kəsiri proqnozlaşdırılan göstəricidən 4,3 dəfə az təşkil edib. Nəticədə, vahid xəzinə hesabında olan qalıq vəsait büdcə gəlirlərinin 7,3%-ni təşkil edib. Hesabalama Palatası bu vəsaiti ölkənin vəsaiti dövlət borcunun ödənilməsinə yönəltməyi təklif edir”, – Hesablama Palatasının sədri Vüqar Gülməmmədov cümə günü parlamentdə 2018-ci il ərzində dövlət büdcəsinin icrası haqqında qanunun müzakirəsi zamanı bildirib.
1 yanvar 2019-cu il tarixinə Azərbaycanın dövlət borcu 16 mlrd. 496,2 mln. manat və ya ÜDM-in 20,7%-i səviyyəsində qiymətləndirilir. Beləliklə, 2018-ci ildə dövlət borcunun həcmi 3% azalıb.
Hesablama Palatasının məlumatına görə, 1 yanvar 2019-cu il tarixinə xəzinə hesabında olan sərbəst qalıq vəsaitin məbləği 872 mln. 350,4 min manat təşkil edib. Bu vəsaitlərin 300,9 mln. manatı ARDNF-in, 39 mln. 234,3 min manatı Azərbaycan Beynəlxalq Bankının idarəçiliyinə verilib, qalan 532 mln. 216,1 min manat isə cari və valyuta xəzinə hesablarında yerləşdirirlib.
İnterfax Azərbaycan
