Azərbaycanın ən iri banklarından biri olan Bank Respublika, 11 iyun tarixində Hilton otelində yeni innovativ məhsulu olan – Mastercard Paypass Sticker-in təqdimat mərasimini keçirdi. Tədbirdə kiçik və orta sahibkarlığın 150-dən çox nümayəndəsi, eləcə də bankın müştəriləri iştirak etdilər.
Paypass Sticker – MasterCard PayPass kartlarının kompakt analoqu kimi xidmət göstərən innovativ bir məhsuldur. İndi bu stiker vasitəsilə müştərilər bir toxunuşla rahat, asanlıqla və təhlükəsiz bir şəkildə ödəniş edə biləcəklər. Stikeri POS terminal yaxınlaşdlrmaq kifayət edir ki, ödəniş yerinə yetirilsin. Stiker-kartın üstünlüyü ondan ibarətdir ki, onu müştəriyə rahat olan istənilən əşya üzərinə yapışdırmaq olar, məsələn, telefon, çanta və ya cüzdan üzərinə. 50 manata qədər alışlar üçün ödəniş etdikdə PİN-kodu daxil etmək tələb olunmur. Stiker ayrıca və ya mövcud kart hesabına bağlı verilə bilər.
“Məhsullarımızın ən qabaqcıl texnologiyalara uyğun olması bizim üçün çox önəmlidir. MasterCard PayPass bir toxunuşla ödəniş texnologiyası qeyri-nağd ödənişlər dönəminə bir yenilik gətirdi, çünki onun yaranması ilə bank kartının yalnız ödəniş vasitəsi kimi olması faktı ortadan qalxdı. Çox sevindirici haldır ki, Azərbaycan bazarında bu texnlogoyanı ilk dəfə məhz Bank Respublika təqdim etdi. Ümid edirəm ki, müştərilərimiz MasterCard PayPass stikerlərinin rahatlığını yüksək qiymətləndirəcəklər, çünki bu məhsul nağdsız ödənişləri daha rahat və daha sürətli edəcəkdir ” deyə “Bank Respublika”nın İdarə Heyətinin sədri Tariyel İsmayılov qeyd etdi.
Daha ətraflı məlumatı bankın rəsmi internet saytında, facebook səhifəsində və ya 144 nömrəsinə zəng edərək əldə edə bilərsiniz.
