“Sevgi sona çatıb, investorlar inkişaf etməkdə olan bazarlardan qaçır, “emerging markets” ucuzlaşır və “JP Morgan” tərəfindən tərtib edilmiş azad indeks tamamilə rekord səviyyəyə enib.
Banker.az xəbər verir ki, inkişaf etməkdə olan bazarların valyutaları, demək olar ki, il boyu lider olublar. Lakin ticarət müharibələrinin genişlənməsi və qlobal bazarlarda vəziyyətin pisləşməsi fonunda investorlar riskli aktivlərdən yaxa qurtarmağa başladılar.
Maraqlıdır ki, enişin lideri pesodur. Birinci yerdə Argentina, ikinci yerdə Kolumbiya, üçüncü yerdə Çili və nəhayət, dördüncü yerdə Meksika pesosu dayanır.
Əslində, burada təəccüblü heç nə yoxdur. Latın Amerikasının ən böyük iqtisadiyyatlarından biri böhran içindədir. Xarici valyuta ehtiyatları tükənmək üzrədir və yaxın zamanlarda növbəti defolt gözlənilir. Kapital dollara keçid edir, investorlar ABŞ xəzinə istiqrazlarını alırlar.
Rubl dollar və avroya münasibətdə daha 30 qəpik itirib.
Buna baxmayaraq, Rusiyanın istiqrazlarına olan tələbat olduğu kimidir. Bu yaxınlarda Rusiyanın Maliyyə Nazirliyi keçirdiyi iki hərracda 10 milyard rubl yerləşdirib.
