Qədim zamanlarda insanlar təbii məhsullarla və yaxud hər hansı xidmətlə mübadilə edirdilər. Tezliklə pullar yarandı və bu pulla məhsulların və xidmətlərin haqqını ödəmək mümkün oldu. Zamanla banklar yarandı. Artıq keçən əsrdə nağdsız ödənişlər, beynəlxalq pul köçürmələri reallığa çevrildi.
Lakin bu günkü günümüzdə artıq bütün bunlar keçmiş hesab olunur. Dünya arenasına rəqəmsal valyuta çıxdı. Artıq bütün dünya üzrə külli sayda insan kriptovalyutadan real pullara və bank hesablarına alternativ kimi istifadə edir. Forex-ə yeni başlayan treyderlər isə Bitcoin və digər rəqəmsal valyuta almağın mümkün olduğu birja axtarışındadırlar.
Bitcoin elə sistemdir ki, ondan həm gəlir vasitəsi, həm də mübadilə vahidi kimi istifadə etmək mümkündür. Bitcoin-ləri dünyanın aparıcı real valyutaları – dollar, avro, yuan və s. ilə mübadilə etmək mümkündür. Lakin bu rəqəmsal valyutanın sərgilədiyi sonuncu xidmət deyil. Bitcoin-lər olan hesabın sahibi olaraq internətə daxil olmaqla dünyanın istəniıən nöqtəsindən ödənişlər və pul köçürmələrini həyata keçirə bilərsiniz. Bitcoin-lərlə internet mağazadan aldığınız məhsulun və xidmətin də haqqını ödəyə bilərsiniz.
Hazırki Bitcoin birjalarında digər rəqəmsal valyuta növlərinə də rast gələ bilərsiniz. Bunlara misal olaraq, Litecoin, Namecoin, Perrcoin, Dogecoin, Quarkcoin, Mastercoin, Primecoin, Coinye və s. ni göstərə bilərik. Lakin onlara çox etibar etmək tövsiyyə edilmir. Təbii ki, bu hər kəsin şəxsi seçimidir. Mahiyyət etibarilə bütün bu kriptovalyutalar Bitcoin-in törəmələridirlər. Lakin buna baxmayaraq özünəməxsus fərqlərə sahibdirlər. Bəzi insanlar bu fərqləri üstünlük hesab etdiyi halda, bəziləri çatışmazlıq kimi qəbul edir.
Ümumilikdə isə kriptovalyutadan istifadə etmək real pullar və ənənəvi bank hesabları ilə müqayisədə bir sıra üstünlüklərə sahibdirlər. Heç bir bank və yaxud maliyyə təşkilatı kriptovalyuta ilə həyata keçirilən əməliyyatları yoxlamır. Bitcoin-lərin bir hesabdan digərinə köçürülməsinin dəyəri isə pulsuz hesab ediləcək dərəcədə azdır və hər hansı bir tranzaksiyadan tez bir zamanda baş tutur.
