Cari ilin yanvar-iyul ayları ərzində Azərbaycanda biznes sturkturların banklar tərəfindən kreditləşməsinin həcmi 2,6 mlrd. manat təşkil edib. Bunu Maliyyə Bazarlarına Nəzarət Palatasının (MBNP) İdarə Heyətinin sədri vəzifəsini icra edən İbrahim Alışov deyib.
“2018-ci ildə Azərbaycanda banklar biznesi 4,3 mlrd. manat, cari ilin yanvar-iyul aylarında isə – 2,6 mlrd. manat məbləğində kreditləşdirib. Bu, Azərbaycanın bank sektorunun tədricən bərpa olunduğunu nümayiş etdirir”, – Alışov cümə günü Bakıda keçirilən Azərbaycan-Almaniya biznes forumunda bildirib.
©İnterfaks-Azərbaycan
