Bir dəfə müdrik bir şəxs yolda evinə qayıdarkən çox kədərli bir şəxslə qarşılaşır. Həmin şəxs o dərəcədə fikirli olur ki, hətta müdrik şəxsin çiyninə toxunub keçir. Müdrik şəxs isə bu hərəkətin qarşılığında sakit şəkildə ondan soruşur:
—Sən nə səbəbə belə kədərlisən? Heç öz yolundakılara belə fikir vermirsən.
— Üzr istəyirəm, həyatımda böhran yaşayıram. Həyatımın mənasını itirdim və bununla heç nə edə bilmirəm. Məqsədimi tapana qədər də axtaracam.
— Mən bir insan haqqında eşitmişdim. Onun da həyatında mütəmadi olaraq böhranlar baş verir və o da həyatının mənasını tapa bilmirdi.
— Ümid edirəm o istədiyinə nail ola bilib? — deyə səbirsiz halda kədərli şəxs soruşdu.
— Bəli, o sualına cavab taparaq öldü və bu cavabı yalnız ölüm anında tapdığını yanındakılara pıçıldamışdı.
— Bəs o nə demişdi?
— O dedi ki, həyatın mənası — seçimdir…
— Hmm, söhbətə görə çox sağ ol – deyə həmin şəxs cavab verdi, müdrik insana baş əydi və tələsərək yoluna davam etdi.
— …seçim — ya böhranlarsız yaşamaq, ya da bütün həyatı nigaranlıq və həyatın mənasını axtarmaqda keçirməkdir — deyə müdrik şəxs sözünü tamamladı. Lakin çarə axtaran həmin şəxs artıq çox uzaqda idi. O tələsirdi, axı onun axtarmalı olduğu bir cavab vardı….