“Apple” şirkəti fevral ayında yeni və daha ucuz iPhone-ların istehsalına başlayacaq.
Banker.az xəbər verir ki, bu haqda Bloomberg məlumat verib. Yeni smartfon görünüşcə 2017-ci ildə buraxılmış iPhone 8 kimi olacaq.
Dünyanın ən bahalı texnologiya şirkətinin yeni iPhone-u mart ayında təqdim edəcəyi gözlənilir. Cihaz şirkətin Tayvandakı üç müəssisəsində istehsal olunacaq.
“Nikkei Asian Review” nun verdiyi məlumata görə, yeni smartfon texniki göstəricilər baxımından “Apple” in flaqmanlarından – iPhone 11 və iPhone 11 Pro -dan fərqlənməyəcək. Cihaz Touch ID əl izi və Face ID texnologiyası ilə təchiz ediləcək.
MacRumors portalı “ucuz iPhone” un 399 dollar qiymətində olacağını proqnozlaşdırıb.
