Christopher Johnson McCandless – Amerikadan olan səyahətçidir. O ilk növbədə özünə, daha sonra isə təbiət qanunlarına meydan oxuyaraq Alyaskanın sərt iqlimində həyat sürməyə yollanıb. Christopher atılmış avtobusda 4 ay tənha yaşamışdır. Bütün bu aylar boyu həyatı uğrunda mübarizə aparsa da, şəkillərdə çox pozitiv və arzusuna çatmış bir insanı əks etdirir. Onun gündəliyindəki son sözləri belə idi: “Mən xoşbəxt həyat sürdüm və buna görə Allaha minnətdaram. Əlvida və Allah sizi qorusun!”.
Christopher-in tarixçəsi hazırda Con Krakauerin kitabı və Şonn Penin “Vəhşi şərtlərdə” filmi sayəsində milyonlarla insana tanışdır. 2002-ci ildə Stampid Treyl-də atılmış və məşhur səyahətçinin sığınacaq yeri olan bu avtobus səyahətçilər və turistlərin əsas “məbədinə” çevrilmişdir.
