Qısa müddətdə 200 milyon istifadəçiyə çatan Zoom, Google tərəfindən edilən son açıqlaması ilə işçiləri tərəfindən qadağan edildi.
Banker.az xəbər verir ki, Koronavirus epidemiyası zamanı məşhurlaşan və konfrans zəngləri üçün istifadə edilən Zoom tətbiqi Google tərəfindən bütün işçilərinə qadağan edildi. Uzun müddətdir müxtəlif təhlükəsizlik problemləri ilə gündəmdə olan bu tətbiqetmə bundan sonra korporativ kompüterlərdə Google işçiləri üçün əlçatan olmayacaq.
Çıxışı zamanı Google sözçüsü Jose Castaneda, Google’un Zoom üçün ‘təhlükəsizlik zəiflikləri’ mövzusunda işçilərinə bir e-poçt göndərdiyini və şirkətdəki insanların bu proqramı kompüterlərində istifadə etmələrini istəmədiklərini söyləyib.
“İşçilərimizə şirkət şəbəkəmiz xaricində işləmək üçün təsdiqlənməmiş tətbiqlərdən istifadə etməyə icazə verməmək siyasətimiz uzun müddətdir davam edir” deyə Castaneda bildirib. O, həmçinin bunun yalnız Zoom-a aid olmadığını vurğulayıb.
