Yaponiya hakimiyyəti koronavirus pandemiyası və bunun səbəb olduğu mənfi iqtisadi təsir şəraitində ölkə vətəndaşlarına adambaşına 100 min yen (930 dollar) məbləğində yardım göstərmək imkanını nəzərdən keçirir.
Bu barədə Banker.az “Banki.ru”ya istinadən xəbər verir.
Xatırladaq ki, daha əvvəl Yaponiya müəssisələri və ailələri dəstəkləmək üçün 108 trilyon yen (təxminən 1 trilyon dollar) məbləğində iqtisadi yardım paketi qəbul etmişdir. Xüsusilə, bu vəsaitdən son aylarda koronavirusla əlaqəli vəziyyət və iqtisadi fəallığın azlması səbəbindən gəlirləri aşağı düşən ailələrə 300 min yen (2 750 dollar) ayrılması planlaşdırılır.
Hal-hazırda, Yaponiyada 8,8 min nəfər koronavirusa yoluxub, onlardan 174 nəfəri dünyasını dəyişib.
