Avropa Mərkəzi Bankının idarə heyəti cümə axşamı günü keçirilən iclasda uçot dərəcəsini 0% səviyyəsində saxlayıb.
Banker.az xəbər verir ki, bu barədə tənzimləyicinin press-relizində deyilir.
Qeyd edək ki, 2016-cı ilin mart ayından etibarən uçot dərəcəsi 0% səviyyəsindədir. Depozit dərəcəsi mənfi 0,5%, marja dərəcəsi isə 0,25% səviyyəsində qalıb.
Bildirildiyi kimi, Avropa Mərkəzi Bankı inflyasiya 2% olmayana qədər dərəcələrin dəyişməyəcəyini gözləyir.
Eyni zamanda, tənzimləyici “Pandemic emergency purchase programme” (PEPP) sosial proqramın parametrlərini dəyişməz saxlayıb. Hal-hazırda onun həcmi 1,35 trilyon avro təşkil edir.
