“Google” şirkəti “Play Music” striminq xidmətinin fəaliyyətini 2020-ci ilin dekabr ayında dayandıracaq. Qeyd edildiyi kimi, bu tarixdən sonra ora yüklənən və ya Play Store vasitəsi ilə alınan musiqini dinləmək mümkün olmayacaq.
Banker.az bu barədə “Vesti.ru”ya istinadən xəbər verir.
İT şirkəti bunu rəsmi “YouTube” bloqunda elan edib, çünki köhnə striminq xidmətini “YouTube Music” videohostinqi əvəz edəcək. Bildirilir ki, “Play Music” xidmətinin fəaliyyəti sentyabrda Yeni Zelandiya və Cənubi Afrika, oktyabrda isə digər ölkələrdə dayandırılacaq. Buna baxmayaraq, dekabr ayına qədər hər kəs “YouTube Transfer” və ya “Google Takeout” köməyi ilə mahnılarını “YouTube Music” servisinə köçürə biləcəklər.
Eyni zamanda “Google” avqustun sonundan etibarən “Google Play Market” vasitəsi ilə musiqi satışını dayandıracaq – əvvəllər orada (məsələn, iTunes-da) daimi istifadə üçün ayrı-ayrı mahnılar və ya albomlar mümkün idi. Təəssüf ki, “YouTube Music”də belə bir funksiya yoxdur.
