Azərbaycanda müştəri hesablarının sayı 2020-ci ilin sentyabr ayına 20 milyon 630 min 94 ədəd təşkil edib ki, bu da 2019-cu ilin analoji dövrüylə müqayisədə 11% artım deməkdir.
Banker.az bu barədə Azərbaycan Mərkəzi Bankına istinadən xəbər verir.
Sentyabrda cari hesabların sayı 198 min 522 artaraq 17 milyon 603 min 427-ə, kredit hesablarının sayı 49 min 656 artaraq 2 milyon 690 min 705-ə, depozit hesablarının sayı isə 36 min 485 artaraq 335 min 962-ə yüksəlib.
Bu ilin sentyabr ayında fiziki şəxslərin cari hesablarının sayı 17 milyon 345 min 110, hüquqi şəxslərin cari hesablarının sayı 258 min 317 olub.
