Demokrat Co Bayden ABŞ-ın 12 ştatında respublikaçı Donald Trampı qabaqlayır. Qeyd edək ki, bu ştatların əksəriyyəti “tərəddüdlü” sayılır.
Banker.az bu barədə “İz.ru”ya istinadən xəbər verir.
“NBC News” və “The Wall Street Journal” Florida, Arizona, Ayova, Corciya, Miçiqan, Men, Şimali Karolina, Minnesota, Nevada, Nyu-Qempşir, Viskonsin və Pensilvaniya seçiciləri arasında sorğu aparıblar. Sorğuda ümumilikdə 800 amerikalı iştirak edib.
Respondentlərin böyük hissəsi Co Baydenə səs vermək niyyətində olduğunu bildirib (51%). Seçicilərin 46%-i isə Donald Trampa səs verməyə hazır olduğunu açıqlayıb.
