2020-ci ilin yanvar-sentyabr aylarında ticarət dövriyyəsinin həcmi 15553,7 milyon manat olub.
Banker.az Bakı Statistika İdarəsinin aylıq hesabatına istinadən xəbər verir ki, bu, 2019-cu ilin müvafiq dövrü ilə müqayisədə 0.1% artım deməkdir.
Qeyd edək ki, Ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müfaviq dövrü ilə müqayisədə 11,5 faiz artaraq 8046,8 milyon manata, qeyri-ərzaq məhsullarının həcmi isə 9,2 faiz azalaraq 7506,9 milyon manata bərabər olmuşdur. İstehlak məhsullarının 30,9 faizi hüquqi şəxs statuslu müəssisələrdə, 49,4 faizi fərdi sahibkarlara məxsus ticarət obyektlərində, 19,7 faizi isə paytaxtın məhsul bazarlarında satılmışdır.
