“Microsoft” korporasiyası ixtisaslaşdırılmış qurğularda istifadə üçün nəzərdə tutulmuş “Windows Embedded Standard 7” əməliyyat sisteminin dəstəyini dayandırıb. Məlumatda deyilir ki, sözügedən sistemin dəstəyi 13 oktyabr 2020-ci il tarixində dayandırılıb, istifadəçilərə isə “Windows 10 IoT Enterprise” sisteminə keçid tövsiyə edilib.
“3dnews.ru” xəbər verir ki, “Windows 7” əməliyyat sisteminin dəstəyi bu ilin yanvarında dayandırılıb. Bu o deməkdir ki, 2009-cu ildə çıxarılmış ƏS-i daha düzəlişlər və təhlükəsizlik yeniləmələri almır. “Windows 7” sisteminin dəstəyi genişləndirilmiş təhlükəsizlik yeniləmələri proqramı çərçivəsində mümkündür və bu, əlavə ödəniş etməklə korporativ müştərilərə əlçatandır.
