“Google”un smartfonunuzun yerini izləməsinin qarşısını almaq üçün hesabınızdakı “yerləşmənin tarixi” ayarını söndürməlisiniz.
Banker.az xəbər verir ki, bu barədə “Business Insider” yazıb.
Bunun üçün “Google” tətbiqini işə salmaq, “Google hesabını idarə et” bölməsində “Gizlilik və personalizasiya”ni seçmək (və ya “Məlumatlar və personalizasiya”), daha sonra isə “Yerləşmənin tarixi” funksiyasını sola sürüşdürərək söndürmək lazımdır.
Əgər bu parametri söndürsəniz, geolokasiya məlumatları “Google”a ötürülməyəcəkdir. Xatırladaq ki, daha əvvəl mütəxəssislər smartfonda geolokasiyanı saxtalaşdırmaq yolunu təklif ediblər. Bunun ən yaxşı vasitəsi isə VPN texnologiyasından istifadə etməkdir.
