Azərbaycan neftinin qiyməti bahalaşıb. Artıq 8 gündür ki, Azərbaycan neftinin qiyməti 48 dollar/barreldən baha ticarət olunur.
Banker.az xəbər verir ki, “Azeri Light” markalı neftin bir barrelinin qiyməti 0.50 dollar (1.03%) artaraq 48.88 dollar təşkil edib.
Noyabr ayının 25-dən başlayaraq Azərbaycan nefti 48 dollardan yuxarı həddə qalxıb.
Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15.81 dollar, 2008-ci ilin iyulunda isə maksimuma yüksələrək 149.66 dollar olub.
