2020-ci ildə kompüter, elektron və optik məhsulların, elektrik avadanlıqlarının istehsalı sahələrində 234.7 milyon manatlıq məhsul istehsal olunub.
Banker.az Dövlət Statistika Komitəsinin hesabatına istinadən xəbər verir ki, əvvəlki illə müqayisədə elektrik avadanlıqların istehsalı 9.6 dəfə, kompüter, elektron və optik məhsulların istehsalı 34.5 faiz artıb.
İl ərzində əvvəlki illə müqayisədə avtomatik tənzimləmə və idarəetmə üçün cihaz və aparatların istehsalı 2.1 dəfə, 1000 V-dək gərginlik üçün hesablanmış elektrik cərəyanı naqillərinin istehsalı isə 2 dəfə artmışdır.
