2020-ci ilin yanvar-dekabr ayları ərzində Azərbaycanda fəaliyyət göstərən sığorta şirkətləri könüllü tibbi sığorta üzrə 101 milyon 565 min manat sığorta haqqı toplanıb.
Banker.az bu barədə Azərbaycan Mərkəzi Bankına istinadən xəbər verir.
Tibbi sığorta üzrə yığımların həcmində keçən ilin eyni dövrü ilə müqayisədə 5 milyon 739 min və ya 6% artım qeydə alınıb.
Eyni zamanda, tibbi sığortalar üzrə şirkətlər tərəfindən hesabat dövründə 67 milyon 870 min manat həcmində ödəniş həyata keçirilib ki, bu da ötən ilin eyni dövrü ilə müqayisədə 7 milyon 377 min manat və ya 12% artıb.
