Bu milyarderlər dünyanın ən zəngin MBA təhsili sahibləridir. Gəlin, onların hansı universitetlərdə oxuduqlarını öyrənək.
MBA məzunlarını Forbes reytinqində axtarıb tapmaq əziyyətli işdir. Qeyd edək ki, onlardan bəziləri biznes-məktəbdəki təhsilini yarımçıq qoyub, məsələn, Microsoft-un keçmiş baş direktoru Steve Ballmer və neft-kimya milyarderi Mukesh Ambani (Stanford).
Bununla belə, onların Forbes siyahısına düşməsi MBA-nın iş dünyasının zirvəsinə çıxmağa kömək etdiyini göstərir.
Ən zəngin MBA təhsilli milyarderlər:
- Li Kun Hee
Universitet: George Washington
Sərvəti: 20.9 milyard dollar
Li Kun Hee – Samsung Group korporasiyasının keçmiş sədridir. O, George Washington University Business School-da təhsil alıb. Samsung şirkəti əsasən məişət elektronikası ilə tanınır, eyni zamanda dəb, sığorta, tematik parklar, xidmətlər və digər sahələrdə fəaliyyət göstərir. Korporasiya Li Ben Chol – Li Kun Hee-nin atası tərəfindən təsis edilib. 2014-cü ildə Li infarkt keçirib, 2020-ci il 25 oktyabr tarixində isə dünyasını dəyişib.
- Leonard Blavatnik
Universitet: Harvard Business School
Sərvəti: 29.7 milyard dollar
Leonard Blavatnik Ukraynada andan olub, Rusiyada böyüyüb və Amerikanın Harvard Business School məktəbində təhsil alıb. Hal-hazırda onun sərvəti 29.7 milyard dollar dəyərində qiymətləndirilir. Bundan əlavə, milyarder sərvətinin 500 milyon dollardan çoxunu xeyriyyə işlərinə xərcləyib (əsasən Oxford və Stanford universitetlərinə göndərib).
- Suzanne Klatten
Universitet: IMD
Sərvəti: 25.9 milyard dollar
Suzanne Klatten Almaniyanın ən zəngin qadınıdır. O, MBA təhsilini İsveçrənin IMD biznes-məktəbində alıb. Suzanne BMW konsernin 19.2%-nə sahib özəl Quandt sülaləsinə daxildir. Sahibkar xanım Atlana AG firmasının dərman və kimya korporasiyasına çevrilməsinə kömək edib. Eyni zamanda, illik dövriyyəsi 2.5 milyard dollardan çox olan şirkətin tək sahibidir.
- Alexey Mordashov
Universitet: Northumbria University
Sərvəti: 22.5 milyard dollar
Alexey Mordashov – 19 il rəhbərlik etdiyi Rusiyanın Severstal metallurgiya şirkətinin əsas səhmdarıdır. Bununla yanaşı, milyarder TUI Group səyahət agentliyinin dörddə birinə sahibdir. MBA təhsilini sahibkar 2006-cı ildə İngiltərənin Northumbria universitetində almışdır.
- Phil Knight
Universitet: Stanford GSB
Sərvəti: 50.4 milyard dollar
Phil Knight – Nike şirkətinin qurucusu – diplom aldığı Stanford universitetinə 505 milyon dollar bağışlayıb. O, University of Origon-da qaçışla məşğul olub, sonra isə məşqçisi Bill Bowerman ilə birlikdə Nike ayaqqabı nəhəngi qurub. Phil 2016-cı ildə şirkəti tərk edərək 52 yaşında pensiyaya çıxıb.
Milyarder hələ də aktiv şəkildə xeyriyyə ilə məşğul olur və təkcə Stanford deyil, University of Oregon təhsil ocağını da maliyyələşdirir.
- Michael Bloomberg
Universitet: Harvard Business School
Sərvəti: 54.9 milyard dollar
O, MBA təhsilini 1966-cı ildə nüfuzlu Harvard Business School-da almışdır. 1981-ci ildə isə Bloomberg şirkətini (bütün dünyada tanınmış maliyyə mediası) qurmuşdur.
Bloomberg daim şirkətinə sərmayə qoyurdu və o, şirkətdə 88% paya sahibdir. İllik 9 milyard dollar gəlir sayəsində bu gün Harvard məzununun sərvəti 54.9 milyard dollar təşkil edir. Milyarder karyerasına Solomon Brothers investisiya bankının aşağı pillələrində başlayaraq Wall Street-də tanınmağı bacardı. Bloomberg eyni zamanda Nyu-York şəhərinin meri olmuşdur.
