1902-ci ildə Berlində keçirilmiş ilk Beynəlxalq radioteleqraf konfransında fəlakətlə bağlı vahid radioteleqrafik siqnal yaratmaq barədə məsələ qaldırılır. Lakin müxtəlif şirkətlərin rəqabət mübarizələri səbəbindən ümumi razılıq əldə edilmir. İngilis-italyan şirkəti olan “Markoni” məhkəmələr üçün 3 hərfdən ibarət SOD siqnalını yaradır.
İkinci radioteleqrafik konfrans 1906-cı ildə növbəti dəfə Berlində baş tutur və burada “Markoni” şirkəti yaratdığı siqnalı beynəlxalq miqyasda tətbiq olunması üçün təklif edir. Lakin şirkətin bu təklifinə etiraz edilir. Bu siqnalın ilk hərfi dəmir yollarında ümumi radioteleqrafik çağırış ilə üst-üstə düşürdü.
Bu zaman Almaniyanın “Arko” şirkəti SOE siqnalını ümumi müzakirəyə təqdim etsə də, sonda uğur qazanmır. Onun son hərfi Morz əlifbasında 1 nöqtə ilə işarə edilir ki, onu da səs-küy zamanı eşitmək çox çətindir. Və bu zaman kimsə E hərfini S hərfi ilə əvəz etməyi təklif edir və bu təklif nəyahət ki, qəbul edilir.
Dənizdə fəlakəti əks etdirən SOS siqnalı beləcə yaradılır. Bu siqnal ritmli idi və onu demək olar ki, heç bir digər səs ilə səhv salmaq mümkün deyildi. Lakin “Markoni” şirkəti öz yaratdığı siqnalın üzərində təkid edirdi.
Dəniz romantikası sevərlər tezliklə bu siqnala xüsusi məna qazandırırlar. Nəticədə siqnalın müxtəlif açıqlamaları yaranır. Bunlara ən yaxşı nümunə olaraq isə “Save Our Souls”, “Save Our Sheep” və “Swim Or Sink”-i göstərə bilərik.
