Azərbaycan Sığorta Assosiasiyası (ASA) ölkənin sığorta şirkətlərinin müştərilərinin “qara siyahısını” yaratmaq niyyətindədir. Bu haqda məlumatı ASA-nın rəhbəri Orxan Bayramov mətbuat konfransında bildirmişdir.
Onun sözlərinə görə, son zamanlar ölkədə sığorta şirkətlərini çətin vəziyyətdə qoyan fırıldaqçı müştərilər peyda olmuşdur. Etibarsız müştərilər ilə bağlı bu “qara siyahı” ölkənin bütün sığorta şirkətləri arasında yayılacaq.
ASA rəhbəri həmçinin bildirmişdir ki, 2015-ci ilin əvvəlində sığorta vasitəçilərinin də “qara siyahısı” təşkil ediləcək.
