WhatsApp, bütün Android telefonları üçün təxminən 1 ay sınaqdan keçirilmiş video səssizləşdirmə funksiyasını işə salıb.
Banker.az Türkiyə Mediasına istinadən xəbər verir ki, yeni xüsusiyyət ilə WhatsApp istifadəçiləri qarşı tərəfə video göndərərkən videonu səssizləşdirə biləcəklər.
Belə ki, istər WhatsApp-ın öz kamera tətbiqetməsi ilə bir video çəkirsinizsə, istərsə də qalereyanızdan bir video yerləşdirməyə çalışsanız, video düzəliş ekranının yuxarı sol küncündəki “səssiz” işarəsinə toxunaraq videonu səssizləşdirə bilərsiniz.
Android istifadəçiləri tətbiqi Play Store vasitəsilə v2.21.3.19-a yeniləyərək bu xüsusiyyəti istifadə etməyə başlaya bilərlər. Xüsusiyyətin iOS üçün nə vaxt çıxacağı isə məlum deyil.