2021-ci ilin yanvar-fevral ayları ərzində Naxçıvan Muxtar Respublikasında 5 887 bank hesabı açılıb ki, bunun da 5 886-ı aktiv hesablar olub.
Banker.az Naxçıvan Statistika İdarəsinin hesabatına istinadən xəbər verir ki, 1 mart 2021-ci il tarixə muxtar respublikanın banklarında açılmış bank hesablarının sayı 93 592-yə çatmışdır ki, bunun da 81 337-si və ya 86.9 faizi aktiv hesablardır.
Qeyd edək ki, ötən ayla müqayisədə yeni açılmış bank hesablarının sayı 611 ədəd artıb.
Muxtar respublikada quraşdırılmış POS-terminalların sayı isə 1 mart 2021-ci il tarixə 1 429-a çatmışdır.
