13 apreldə Amerika Birləşmiş Ştatlarının açıqlanan inflyasiya ilə bağlı göstəricinin proqnozlaşdırıldığından çox artması ardından dollar əsas valyutalar qarşısında dəyər itirməsinə səbəb oldu.
Banker.az xəbər verir ki, ABŞ dolları 6 əsas valyuta qarşı indeksi 0.12% azalmaqla 91.735 bənd təşkil edib. Bu da martın 22-dən bu tərəfə (92.730) ən aşağı göstəricidir.
“Forex” göstəricilərində ABŞ dollarına qarşı yalnız Kanada dolları zəifləyib.
EUR/USD cütlüyünün məzənnəsi 0.13% artımla 1.1962 səviyyəsinə, GBP/USD məzənnəsi 0.33% artımla 1.3794 səviyyəsinə, USD/JPY məzənnəsi 0.05% artımla 109.00 səviyyəsinə, USD/CHF məzənnəsi 0.05% azalma ilə 0.9203 səviyyəsinə, AUD/USD məzənnəsi 0.52% artımla 0.7678 səviyyəsinə, USD/CAD məzənnəsi 0.22% artımla 1.2558 səviyyəsinə yüksəlib.
Martda ABŞ-ın istehlak qiymətləri indeksi aylıq müqayisədə 0.3% yüksəlməklə proqnozu üstələyib. Mart ayı üçün ABŞ-da inflyasiya göstəriciləri 0.2% proqnoz edilirdi. Son 6 ay ərzində isə istehlak qiymətləri indeksi 0.6% artım edib, bu da 2012-ci ilin avqustundan bu tərəfə ən yüksək göstəricidir.
Lakin bu yüksəliş bir çox investorları təəccübləndirməyib.
“İnflyasiyanın aprel-iyun (ikinci) rüblüyü üçün sürətlənməsi gözlənilirdi. Son göstərici gözləniləndən bir qədər çox olsa da, gözlənilməz də deyildi” – deyə, “Mizuho Securities”in baş valyuta inzibatçısı Masafumi Yamamoto “Reuters”-ə açıqlamasında deyir.
ABŞ Federal Ehtiyatları Sistemi müvəqqəti artımlara baxacağını deyib. İnvestorlar FED-in faiz dərəcələrini artırana qədər inflyasiya göstəricilərini artımına icazə veriləcəyini güman edirlər.
