Türkiyə prezidenti Rəcəb Tayyib Ərdoğan Şimali Kipr Cümhuriyyətini ziyarət etməyi və bütün dünyaya toxunacaq mesaj verməyi planlaşdırır. Banker.az “İz.ru”ya istinadən xəbər verir ki, bu barədə prezident Ankarada keçirilən görüşdə bildirib.
Ərdoğan ziyarətinin 20 may tarixində planlaşdırıldığını qeyd edib.
“Görüş zamanı yalnız Kipr adasını deyil, bütün dünyanı maraqlandıran bir mesaj səsləndirəcəyəm. Qətiyyət göstərməsəniz, heç kim sizi ciddi qəbul etməyəcək”, – deyə Türkiyə lideri söyləyib.
Ərdoğan həmçinin Şərqi Aralıq dənizindən gələn “yaxşı xəbərlər” barədə də məlumat verib. O, yaxın vaxtlarda neft və qaz istehsalının azaldılması açıqlayacağını istisna etmir.
Xatırladaq ki, keçən ilin dekabr ayında Avropa İttifaqı Şərqi Aralıq dənizində qanunsuz qazma işlərinə görə Türkiyəyə qarşı mövcud fərdi sanksiyalar siyahısının genişləndirilməsi qəbul edib.
Bununla yanaşı, Ərdoğan yayda respublikanın sanksiya tətbiq olunma təhlükəsinə baxmayaraq Aralıq dənizində kəşfiyyat planlarından imtina etməyəcəyini açıqlayıb.
Kipr 1974-cü ildən bəri yunan və türk icmaları arasında bölünüb. 1983-cü ildə Şimali Kipr Respublikası elan edilib. Tərəflər arasında adanın yenidən birləşməsi üçün aparılan danışıqlar uğursuz olub.
Şimali Kipr Respublikası Kipr adasının üçdə birini tutur və yalnız Türkiyə tərəfindən tanınır.
