Avropada COVID-19 virusuna həftəlik yoluxma sayı aprel ayının ortalarında 1,7 milyon nəfər idisə, ötən həftə 685 min olub.
Bu barədə Ümumdünya Səhiyyə Təşkilatının (ÜST) Avropa üzrə direktoru Hans Kluge brifinqdə bildirib.
O, cəmi bir ay ərzində yoluxmalarda 60 faizlik azalmaya nail olunduğunu deyib.
Təşkilat rəsmisi bununla belə ötən həftə Avropanın 8 ölkəsində hər 100 min əhaliyə 150 yoluxmanın qeydə alındığını diqqətə çatdırıb.
H.Kluge pandemiyanın hələ başa çatmadığını, qarşıdakı aylarda məhdudiyyətlər ləğv olunar və gediş-gəliş artırılarsa, yoluxma sayında yüksəlişin ola biləcəyini vurğulayıb.
