Ölkədə spirtli içki istehsalçılarından biri müəssisə “Gəncə Şərab-2” ASC 2020-ci il üzrə xalis mənfəətini 27% böyüdüb.
Banker.az xəbər verir ki, bu barədə şirkətin 2020-ci il üzrə maliyyə hesabatında deyilir.
Hesabata görə, “Gəncə Şərab-2” ASC ötən il ərzində 15 milyon 594.6 min manat əsas əməliyyat gəliri, 11 milyon 47.5 min manat isə satışın maya dəyəri təşkil edib ki, beləliklə, 4 milyon 547.2 min manat ümumi mənfəət edib. Gəlirlərin həcminin 7.8% azalmasına rəğmən məhsulun maya dəyəri 18% azalıb. Qeyd edək ki, ümumi mənfəətin həcmi 2019-cu ildə 3 milyon 444.4 min manat idi.
Şirkət 273.6 min manat sair əməliyyat xərcləri edib, 58.6 min manat sair xərclər edib. Şirkətin 221.6 min manat kurs fərqindən vəsait əldə edib.
“Gəncə Şərab-2” 2020-ci il üzrə 898.4 min manat mənfəət vergisi xərci edib.
Bununla da 3 milyon 593.6 min manat xalis mənfəət əldə edib.
