Azərbaycanda dövlət büdcəsinə ödənən əmlak vergisinin həcmi 2021-ci ilin yanvar-mart (birinci rüb) aylarında azaldığı halda və torpaq vergisinin həcmi artıb.
Bu barədə Banker.az rəsmi məlumatlara istinadən xəbər verir.
2021-ci ilin ilk rübü ərzində 39.43 milyon manat cəmi dövlət büdcəsinə əmlak vergisi ödənib. Bu isə 2020-ci illə müqayisədə 2.41 milyon manat, yaxud 5.76% azalma deməkdir. Əmlak vergisinin cəmi dövlət gəlirlərində (5 736.95 mln. manat) 0.7% təşkil edib.
Torpaq vergisinin həcmi cari ilin birinci rübündə cəmi 5.45 milyon manat təşkil etmişdir. Bu isə 2020-ci illə müqayisədə 2.53 milyon, yaxud 86.64% artım dinamikasıdır.
Xatırladaq ki, 2021-ci ilin birinci rübü ərzində Azərbaycanın dövlət büdcəsinin gəlirlərinin həcmi öncəki illə müqayisədə 2 095.42 milyon, yaxud, 26.75% azalıb. Azalmaya əsas səbəb ƏDV-nin illik mənfi dinamikasıdır.
