“Logitech” şirkəti videokonfrans platformaları olan “Google Meet”, “Microsoft Teams” və “Zoom Video Communications” üçün yeni simsiz qulaqlıq təqdim edib.
Banker.az bu barədə “Kommersant”a istinadən xəbər verir.
Verilən məlumata görə, qulaqlıq 2021-ci ilin payızında satışa çıxacaq.
“Zone True Wireless”ın qiyməti 299 dollar, “Zone Wired Earbuds”ın qiyməti isə 99 dollar təşkil edəcək.
“Logitech Zone True Wireless” səs-küyü aradan qaldıran texnologiya, USB-resiver və eyni anda iki cihaza qoşulmaq funksiyası ilə təchiz edilib. Simsiz qulaqlıqdan əlavə olaraq, simli “Logitech Zone Wired Earbuds” həm smartfona, həm kompüterə USB Type-C, USB-A və ya 3.5 mm-lik port vasitəsilə qoşula bilir.
