Çin Xalq Bankı (Mərkəzi Bank) qanunsuz olaraq şəxsi məlumat toplayan dörd maliyyə institutunu 11.53 milyon yuan və ya 1.77 milyon dollar cərimələyib.
Banker.az xarici KİV-ə istinadən xəbər verir ki, bu barədə bazar günü “Global Times” qəzeti yazıb.
Qəzetin yazdığına görə, Poçt Əmanət Bank, Huasya Bank, Rabitə Bank və Çin Sənaye Bankında pozuntular aşkar edilib.
ÇXR hökuməti şəxsi məlumatların təhlükəsizliyinin təmin edilməsinə böyük diqqət yetirir. Avqustun 20-də Ümumxalq Konqresin Daimi Komitəsi fərdi məlumatların qorunmasına dair qanun layihəsinin leyhinə səs verib. İndi istifadəçilərə müştərilərin məxfiliyini təmin etməyə kömək edən onlayn mənbələr təqdim olunur.
