Neft məhsullarının istehsalı sahəsində istehsalın ümumi dəyəri 3 milyard 282 milyon manat olmaqla, əvvəlki ilin yanvar-sentyabr ayları ilə müqayisədə 17.7 faiz artmışdır.
Banker.az xəbər verir ki, bu barədə Dövlət Statistika Komitəsinin məlumatında deyilir.
Avtomobil benzini istehsalı həcmi 915.2 min ton olmaqla öncəki ilin eyni dövrü ilə müqayisədə 7.4% artıb.
Dizelin istehsal həcmi 1 milyon 883.1 min ton təşkil etmişdir. Bu da illik müqayisədə 22.1 artım deməkdir. Sentyabr ayı ərzində 203.3 min ton həcmində dizel istehsal edilib.
Qeyd edək ki, öncəki ayda dizelin istehsalında artım dinamikası 12.5% idi.
| Məhsul növləri | 2021-ci ilin yanvar-sentyabr aylarında
istehsal edilmişdir |
Əvvəlki ilin müvafiq dövrünə nisbətən, faizlə |
| Avtomobil benzini, min ton | 915,2 | 107,4 |
| Neft-kimya sənayesində istifadə üçün benzin, min ton | 311,2 | 192,2 |
| Ağ neft, min ton | 377,5 | 105,8 |
| Dizel yanacağı, min ton | 1883,1 | 122,1 |
| Yanacaq mazutu, min ton | 32,4 | 76,4 |
| Sürtkü yağları, min ton | 39,5 | 163,9* |
| Neft bitumu, min ton | 275,4 | 109,3 |
| Neft koksu, min ton | 198,3 | 134,3 |
