Qırğız Respublikasının parlamenti Beynəlxalq Türk Mədəniyyəti və İrsi Fondu ilə imzalanan “Türk Mədəniyyəti və İrsi Fondunun maliyyə qaydaları haqqında” Sazişi və “Üzv Dövlətlərin Türk Mədəniyyəti və İrsi Fondunun büdcəsinə məcburi ödənişlərin həcminə dair” Protokolu ratifikasiya edib.
Noyabrın 3-də ölkə parlamenti bununla qərar qəbul edib.
Parlamentdə eyni zamanda mədəniyyət, idman və turizm sahəsində dövlət siyasətinin təxirəsalınmaz vəzifələri, tarixi-mədəni irsin qorunması və bundan iqtisadiyyatın inkişafı üçün mühüm amil kimi istifadə edilməsi barədə məsələlərə toxunulub.
Qeyd olunub ki, bu istiqamətdə Qırğız Respublikasının Beynəlxalq Türk Mədəniyyəti və İrsi Fondu ilə əməkdaşlığı böyük əhəmiyyət kəsb edir.
Qeyd edək ki, “Türk Mədəniyyəti və İrsi Fondunun maliyyə qaydaları haqqında” Saziş 2018-ci il sentyabrın 2-də Bişkek şəhərində imzalanıb. 2020-ci il noyabrın 28-də isə İstanbul şəhərində “Üzv Dövlətlərin Türk Mədəniyyəti və İrsi Fondunun Büdcəsinə Məcburi Ödənişlərinin Həcminə dair” Protokol imzalanıb.
