Rusiyanın “Sberbank”ı Türkiyədə yerləşəcək “Akkuyu” Atom Elektrik Stansiyasının (AES) inşasına 800 milyon ABŞ dolları kredit verəcək.
Bu barədə xarici mətbuat məlumat yayıb.
Məlumata görə, kredit 7 ilı müddətinə “Rosatom”un Türkiyədəki törəmə şirkəti “Akkuyu Nüvə AŞ”yə ayrılacaq.
“Sberbank”ın İdarə Heyətinin sədr müavini Anatoli Popov qeyd edib ki, “Akkuyu” AES Bank üçün strateji əhəmiyyət daşıyır: “Yeni kreditimizlə “Rosatom”un beynəlxalq layihələrindəki əsas kreditoru olmaqlda qalacağıq”.
Xatırladaq ki, Rusiya və Türkiyə arasında “Akkuyu” AES-in inşasına dair müqavilə 2010-cu ildə imzalanıb, 2 il əvvəl isə iki ölkənin lideri onlayn formatda stansiyanın ilk reaktorunun təməlini qoyub. Ümumi gücü 4,8 min meqavat olacaq 4 reaktordan ibarət stansiyanın ilk blokunun 2023-cü ildə, Türkiyə Cümhuryyətinin 100 illik yubilieyində istismara verilməsi planlaşdırılır.
