Koronavirusun “omikron” ştamının yayılma təhlükəsi ilə əlaqədar Yaponiya hakimiyyəti altı ölkə və regiondan gələnlər üçün karantin tələblərini sərtləşdirib.
Bu barədə “Nikkei” qəzeti məlumat yayıb.
Belə ki, Qana, İrlandiya, Norveç, Birləşmiş Ərəb Əmirlikləri, Səudiyyə Ərəbistanı və Kaliforniyadan gələnlər üçün xüsusi müəssisələrdə üç günlük karantin tətbiq edilir. Müvafiq tədbirlər dekabrın 4-dən qüvvəyə minəcək.
Noyabrın 29-da Yaponiya hakimiyyəti ölkəyə daxil olan insanların sayını gündə 3,5 min nəfərlə məhdudlaşdırmaq qərarına gəlib.
